Suikermielie-plaatkoekies
(Bron en Foto:Huisgenoot)
GENOEG VIR 10-12 MENSE
Bereiding: 10 min.
Gaarmaak: 2 min. per plaatkoekie
Bestandele:
500 ml (2 k) meel
10 ml (2 t) bakpoeier
5ml (1 t) sout
1 eier
250 ml (1 k) melk
1 x 410 g-blik suikermielies
BOLAAG
500 ml (2 k) versiersuiker
60 ml (¼ k) klapperroom
1 pynappel, in dun skywe gesny
droë klapper
Metode:
Sif die droë bestanddele saam in ’n groot bak.
Klits die eier en die melk. Klits dan stadig by die droë bestanddele. Maak seker daar vorm geen klonte nie.
Vou by die mielies in. Laat die mengsel 5 min. rus. Verhit ’n kleefvrye pan en skep eetlepels vol van die mengsel in die pan. Draai dit om sodra borrels vorm. Bak tot ’n ligte goudbruin kleur.
Bolaag Meng die versiersuiker en die klapperroom tot glad. Plaas ’n pynappelskyf op ’n plaatkoekie. Bedruip met die klapperversiersuiker. Strooi die droë klapper oor.