Stampmielies met Tamatiesmoor..
Foto en Resep: Malinda Nortjie..
Dis n besonder lekker om stampmielies te berei veral as daar nie sous by die vleisgereg is nie. Maar wees gewaarsku dis maklik om te maak, maar dit prut n paar uur lank voordat dit gereed is. As die stampmielies oornag in koue water geweek word, gaan dit gouer sag kook.

Stampmielies:
350g (2k) stampmielies
3 groot aartapels
1 pakkie beestertsop poeier
500 ml (2k) kookwater
15ml (1e) botter of margarien
2ml (½t) sout
Knippie peper

Metode:
Kook stampmielies op die gewone manier in n dikboom kastrol tot sag.
Dreineer dit indien nodig.
Skil aartapels en sny in blokkies.
Maak die beestertpoeier met n bietjie van die kookwater aan en meng die res met die kookwater.
Voeg die aartapels en sop by die stampmielies en prut dit oor lae hitte todat die aartapes sag is, en die sop weggekook het..
Roer dit af en toe dat dit nie vasbrand nie.
Roer die botter of margarien sout en peper by.
Hou die stampmielies warm terwyl die tamatiesmoor gemaak word.

Tamatjiesmoor:
2 groterige ryp tamaties
1 groot uie
15ml (1e) botter of margarien
2ml (½t) sout
1ml (¼t) growe swartpeper
15ml (1e) fyngekapte pietersielie

Metode:
Skil die tamaties en ui en sny in stukkies.
Smoor dit in die botter of margarien tot gaar souserig dik.
Roer sout en peper by.
Skep die stampmielies en tamatiesmoor in lae in n hittevaste bak, strooi die pietersielie oor en sit warm voor.
Stampmielies met Tamatiesmoor..
Foto en Resep: Malinda Nortjie..
Dis n besonder lekker om stampmielies te berei veral as daar nie sous by die vleisgereg is nie. Maar wees gewaarsku dis maklik om te maak, maar dit prut n paar uur lank voordat dit gereed is. As die stampmielies oornag in koue water geweek word, gaan dit gouer sag kook.