SPINASIE MOLSHOPE..
Getoets en Foto: Michelle Phol

BESTANDDELE:
3 tot 4 lekker groot aartappels
groterige klont margarien
2 - 3 ml bakpoeier
sout na smaak
250 ml room
125 ml gerasperde cheddar kaas
So 2 hande vol spinasie fyn gekerf (ek het sommer baba spinasie gebruik)

METODE:
Skil en kook die aartappels gewoonweg tot sag. Dreineer en druk fyn.
Voeg die spinasie, margarien, bakpoeier, sout  en 'n bietjie van die room by en klits dit met 'n vurk tot lig.
Smeer 'n oondvaste bak en skep lepelsvol van die aartappels daarin.
Gooi die res van die room bo-oor.
Strooi die kaas dan bo-oor.[Bloukaas is net so lekker by halveer met die soorte kaas.]
Bak dit 20 - 25 minute lank in 'n voor verhitte oond by 180 °C.