Marmite kaas skons
Getoets en Foto: Springbok Kombuis

Bestandele:
250 ml Koekmeel
10 ml bakpoeier
4ml sout
1 ml Rooipeper of gerookte paprika
2.5 ml gedroogde oregano
vars gemaalde swart peper
250 ml gerasperde verouderde Cheddar kaas
150 ml volroom melk
60 ml karringmelk
30 ml Olie. Verkieslik olyf olie
Marmite glassuur (glaze):
30 ml botter
1 opgehoopte teelepel Marmite

Metode:
Voorverhit die oond na 200C en smeer 2 x 12 gaatjie muffinpanne
Sif saam: sout meel paprika/rooipeper, gemaalde swartpeper, bakpoeier en oregano.
Meng gerasperde kaas by.
Met ‘n whisk meng al die nat bestandele goed in ‘n diep mengbak of beker. Gooi dit dan oor die meelmengsel en vou dit liggies in. Moet nie te veel roer nie want dan word die skons taai.
Skep ‘n groot desertlepel vol deeg in elke muffin gaatjie.
Bak vir 15 tot 18 minute tot goudbruin en deur gaar. Los in die muffin panne.
Verhit die marmite en botter tot net gesmelt. Smeer of verf oor die skons in die panne.
Haal uit en bedien warm met botter.