
Malva poeding
(Bron en Foto : Marianne Jacoby)
Bestanddele Poeding
1 koppie meel
1 eetlepel botter
¾ koppie suiker
1 desertlepel appelkooskonfyt
1 eier
1 teelepel asyn
1 gelyke teelepel koeksoda
1 koppie melk
Metode Poeding
Meng meel en suiker en vryf botter in. Klits eiers en konfyt saam. Voeg by eerste mengsel. Meng melk met koeksoda en asyn en voeg by mengsel. Bak vir 30min by 180ºC.
Bestanddele Sous
1 koppie room
¾ koppie suiker
¼ koppie botter
½ koppie kookwater
Metode Sous
Kook alles saam. Gooi warm oor poeding wanneer uit die oond kom. Bedien warm of afgekoel met vla.