Hoenderlewer Peri-Peri

(Bron en foto: Springbok Kombuis)

 

2 x 250g Hoenderlewers, gewas en skoongemaak

3 middelslag uie, in ringe gesny

Vars gemaalde seesout, Vars gemaalde swart peper, Gedroogde knoffel

vlokkies.

Peri-Peri

+/- 1/2 koppie Sonneblomolie

2 Eetlepels Bisto

300-350 ml Water

1/2 koppie Perskeblatjang

 

Gooi die olie en so 1/2 koppie peri-peri in 'n braaipan en soteer die uie

daarin.

Geur intussen die hoenderlewers met sout, peper en knoffel.

Sodra die uie deurskynend begin raak voeg jy die hoenderlewers by en

roerbraai tot gaar.

Maak die Bisto aan met die water en voeg blatjang by.

Giet oor die hoenderlewermengsel, roer goed deur en laat prut oor lae hitte vir ongeveer 7 minute of totdat die sous lekker dik is.

 

Bedien onmiddellik saam met vars broodrolletjies - as 'n voorgereg, of saam

met rys en 'n mengelslaai as hoofgereg.