HOENDER SOSATIES
Getoets en Foto: Wilna Nissen

Bestanddele
500g -hoenderborsies
sout na smaak
12 droe appelkose, in sjerrie geweek vir 15 min
1 groot groen soetrissie
1 groot ui
8-12 sampioene

Marinade:
150 ml kookolie
20ml aangemaakte mosterd
20ml Worcestersous
15ml sojasous
10ml suurlemoensap
3ml suurlemoenpeper

Metode:
Klits al die bestanddele vir die marinade saam in 'n glas of erdehouer.
Week die appelkose n uur in net genoeg vloeistof om te bedek.
Dreineer.
Sny ui in kwarte en breek in stukke.
Verwyder die sampioene se stingels en gooi kookwater oor - dit sal die sampioene sag maak.
Ryg voorbereide bestanddele op sosatiestokkies en marineer vir 18-24 uur in koelkas.
Dreineer en rooster oor matige kole tot vleis gaar is.
Bedrup met marinade terwyl gebraai word.
Vries baie lekker tot jy dit benodig om gaar te maak