Coke Sjokoladekoek
Getoets en Foto: Springbok Kombuis ( Wilna Nissan)

Bestandele:
500 ml koekmeelblom; 5ml sout; 500 ml suiker; 250 g sagte botter; 45 ml kakao; 250 ml Coca-Cola; 375 ml malvalekkers, in kwarte gesny; 50 ml koeksoda; 125 ml karringmelk; 2 eiers, geklits; 5 ml vanieljegeursel.

Versiering:
125 g botter; 45 ml kakao;
90 ml Coca-Cola;
500 g versiersuiker, gesif;
1 pakkie pekanneute, gekap (opsioneel)
 5 ml vanieljegeursel.

Metode:
1. Sif meel en sout saam. Voeg suiker by. Verhit botter, kakao en Coca-Cola tot botter gesmelt is, verwyder van stoof en voeg malvalekkers by. Roer en meng goed by meelmengsel in.
2. Los koeksoda in karringmelk op, voeg by mengsel saam met geklopte eiers en geursel. Meng goed. Skep in gesmeerde losboomringkoekpan van 25m mm. Bak sowat 45 min of tot toetspen skoon uitkom in 'n voorverhitte oond by 180 grade C. Laat afkoel in pan en keer uit.
3. Versiering: Verhit botter, kakao en Coca-Cola tot net onder kookpunt, voeg by versiersuiker en meng goed. Voeg driekwart van die neute en geursel by. Versier koek en sprinkel neute oor.