AARTAPPELSLAAI MET WORSIES

(Bron:MARLO KITSHOFF-CARSTENS foto: Keur)

 

6 porsies

375 g (1 pakkie) plaasworsies (country saugages)

700 g (1 sakkie) baba aartappels

sout en peper na smaak

bietjie olie

1 ui, fyn gekap

5 ml (1 t) vars knoffel, gekap

125 g (½ pakkie) spek, fyn gekap

4 agurkies, fyn gekap

6 grasuie, fyn gekap

5 ml (1 t) dijonmosterd

30 ml (2 e) strooisuiker

30 ml (2 e) witwynasyn

80 ml (? k) avokado olie of olyfolie

1 Braai worsies in kastrol met klein bietjie water tot gaar, ongeveer ses minute. Laat effens afkoel en sny in skyfies.

2 Kook aartappels met skil aan in borrelende soutwater tot gaar, ongeveer 12 minute vandat water begin borrel. Dreineer en laat effens afkoel.

3 Halveer aartappeltjies. Sprinkel sout en peper bo-oor.

4 Verhit olie en soteer ui en knoffel tot sag. Voeg spek by en soteer nog vyf minute tot gaar. Verwyder van hitte.

5 Roer agurkies en grasuie by spekmengsel.

6 Klits mosterd, suiker, asyn en olie bymekaar en voeg by spekmengsel.

7 Skep worsies en aartappelhalwes by spekmengsel. Roer tot net gemeng.

8 Sit teen kamertemperatuur of koud voor.