Aartappels met Spek en Groenbone
Getoets en Foto: Michelle Phol

Bestandele:
8 middelslag-aartappels (ek gebruik die baba aartappels)
60 ml olyfolie
30 ml botter
250 g spek, fyngekap
3 knoffelhuisies, fyngekap
400 g groenbone, stingels afgesny
hand vol salie
sout en varsgemaalde swartpeper

Metode:
Kook aartappels met skil aan in groot pot met water tot sag, sowat 15 minute.
Dreineer en halveer.
Verhit olyfolie en botter tot warm in middelslag-braaipan. Voeg spek en knoffel by en braai tot goudbruin en bros, sowat 5 minute.
Voeg groenbone by en braai verder vir nog 5 – 8 minute of tot bone gaar maar nog bros is.
Voeg halwe aartappels en salie by.
Braai vir 1 minuut.
Geur goed met sout en swartpeper.
Sit warm voor.