Aarbeikonfyt. 
Getoets en Foto: Wilna Nissen

Hierdie konfyt smaak soos vars aarbeie en moet in die koelkas gebêre word na oopmaak.
 
Bestanddele:

1 kg mooi, heel aarbeie
1 kg suiker
3 ml (1/2 t) suurlemoensap
 
Metode:

Was aarbeie en verwyder stingels.
Pak in 'n bak en strooi suiker oor elke laag.
Laat 12 uur staan.
​
Prut in 'n kastrol by baie lae temperatuur tot suiker opgelos het.
Verhit tot kookpunt.
Kook 5 minute lank en voeg suurlemoensap by.
Laat 12 uur staan.
Kook 20 minute of tot gestol.
Doen stollingtoets.

Kan selfs langer gekook word en indien nog te slap gooi ekstra bietjie suiker by.
 
Giet in gesteriliseerde inmaakflesse en verseël onmiddellik.